Lirik Lagu Banjar (Kandangan) - Wisata HSS

     Cipt. Batung Priadi (Pak Reno)

Bajalanan ka hulu sungai, hulu sungai selatan

Kota seni budaya paninggalan urang bahari

Bagalar kota parjuangan, kota dodol , kota Amandit

Banyak objek wisata matan Loksado sampai Nagara

Nyaman rasanya katupat dodol  kasira

Kamana jua kada manyama ngalih tandingi

Seni mamanda, musik bamban, seni balamut

Umai raminya musik panting japin pahuluan

 

Sudah sampai kamana mana hasil kerajinan tangan

Tambaga wan kuningan, kayu lurus wan paikat

Naik pagunungan maratus maminggir sungai Amandit

Daras banyu mangalir matan haratai sampai kahilir

Kagum alamnya, air terjun banyu panas disana

Bermacam burung, angrek mahias hutan baruntai

Batipak tipuk babuntitan karibalian

Sungguh manawan wisata hulu sungai selatan

Source : http://mystory-mypoem.blogspot.com